Фотагалерэя

Невыпадкова адзіны пакуль што ў Беларусі помнік Кастусю Каліноўскаму ўсталяваны менавіта ў Свіслачы. З гэтым старадаўнім мястэчкам Ваўкавыскага павета звязаныя многія падзеі ў ягоным жыцці. Не дужа далёка адсюль месціўся фальварак Якушоўка, куды сям’я Каліноўскіх пераехала з Мастаўлянаў. Тут, у Свіслачы працавала слынная ў краі гімназія, у якой навучаліся многія выбітныя асобы. Вучыўся тут і Кастусь са старэйшым братам-аднадумцам Віктарам. Будынак гімна­зіі стаіць і па сёння, зараз ён з’яўляецца часткай комплексу раённага шпіталя. А на старых могілках захавалася магіла Віктара Каліноўскага, заўчасна памер­лага ад сухотаў…
Дадатковая цікавостка Свіслачы – манумент яшчэ аднаму герою паўстання, Рамуальду Траўгуту, пастаў­лены яшчэ польскімі ўладамі, потым знішчаны ўладамі савецкімі і адносна нядаўна адноўлены.